Vendi ynë deri më tani ka pritur 607 afganë të cilët janë sistemuar në Qytet Studenti në Tiranë dhe në Durrës në struktura hotelerie.
Pritet që numri i të ardhurve të shkojë në 4 mijë ashtu sic është njoftuar zyrtarisht nga qeveria shqiptare.
Në një intervistë për Fax News një qytetar afgan në Qytet Studenti i quajtur Fajaz Ahmad shprehet se me ardhjen në Shqipëri ndihet më mirë dhe një hap larg ëndrrës së tij, mjekësisë.
Ahmad shton se ka mbaruar studimet për mjekësi në vendinë e tij por ishte e pamundur ta vazhdonte misionin atje dhe se shpreson që së shpejti të nisë studimet në universitetin Johns Hopkins në Amerikë për tu bërë një kirurg kardiologjie i njohur.
“Quhem Fajaz Ahmad, jam 26-vjeç, jam diplomuar si mjek por mu desh të ndërprisja punën atje.
Nuk shihja më një të ardhme në Afganistan, për shumë arsyë, së pari mundësia për të qëndruar, ekonomia e vendit dhe cdo gjë që ra në dorë të talibanëve.
Kemi familje që duhet t’i ushqejmë, rrëmbeva mundësinë që mu ofrua dhe erdha këtu. Këtu nuk kam asnjë pjestar të familjes sepse vëllai im mbeti atje pas i sëmurë pasi u helmua nga ushqimi.
Arritëm dje në orën 10 në mëngjes, ndihem më i lirë se nuk ka kufizime si në Abu Dabi apo vende të tjera.
Në Abu Dabi ishim si të burgosur ndoshta për shkak të protokollit të Covid-19, unë jam i vaksinuar.
Unë ëndërroj të bëhem kirurg në kardiologji. Nuk e kam planifikuar të qëndroj këtu, dua të iki në Amerikë dhe të studioj në universitetin Johns Hopkins. Sinqerisht ndihem vërtet mirë, një hap larg ëndrrës time”– u shpreh Ahmad.
(E.D/faxweb.al)
