Kryetari i Bashkisë së Tiranës Erion Veliaj ka pritur sot në Bashkinë e Tiranës disa baorë të Astirit. Ai ka thënë se askush nuk do dalë i humbur.
Pas fjalës së Veliat, njëri nga qytetarët e mori fjalën dhe i kujtoi Veliajt shprehjen e tij kur i etiketoi si “shpellar” ata që po pengonin sipas tij projektin e Unazës së Madhe.
Qytetari i cili tha se ishte nga Kukësi, i kujtoi Veliajt 21 janarin duke i thënë se e kishte lënë “një shpellarë”, që ai dhe socialistët të vinin në pushtet.
“Kam lënë një shpellar më 21 janar, Aleks Nikën, i afërm i imi, me ato kokëpalarë ke ardhur në pushtet ti, jam qytetar i Kukësit, deri në Shkup kemi derdhur gjak, po të mos ishte lufta jonë as pavarësia nuk do të ishte shpallur. Ajo pronë është ndërtuar me gjak, na shpërngulën në 74’ dhe nuk më është dhënë asnjë cent, pra dhunimi i shtetit ndaj nesh është permanent’, tha qytetari.
Më pas ai theksoi se situata ka ardhur në këtë gjendje për shkak të Veliajt pasi ai duhet të takonte që në fillim banorët, t’i priste në bashki dhe jo tu sulte policinë pse kishin qëlluar me vezë derën e bashkisë.
“Por se u tund dera e bashkisë me vezë nuk ka asgjë të keqe, të dilje tek Bashkia dhe të thoshe hajdi 5 veta brenda, burrash…Ne nuk presim mëshirë por trajtim dinjitoz.
Edhe opozita normal se do të vije se çfarë do bëjë opozita, por trajtimi deri tani është trajtim çnjerëzor”, tha banori i Astirit nga Kukësi. (B.H/Faxweb)
Discussion about this post