Kryeministri Edi Rama duket se shumicën e kohës këtë të dielë e ka kaluar në rrjetet sociale, duke komunikuar me qytetarët, por në disa raste edhe duke replikuar me ta.
“Mollë sherri” është kthyer postimi i kryeministrit për kryeveprat e artit italian të viteve 1900 që do të vijnë në Tiranë më 2017-ën.
Një komentues me emrin “ Edi Interisti” i komenton kreut të qeverisë se, “në fillim duhet të rregullojë një rrugë ose ndonjë shtyllë e më pas të mendonte për “shkaravinat” e tij.
Por nuk ka munguar dhe përgjigja ironike e kryeministrit: “Shiko Interin se po nuk eci Interi nuk i kupton dot si ecin punët e tjera”.
Sipas postimit të Ramës, “pas Koncertit të Vienës në Tiranë, Janari do të sjellë edhe të parën ekspozitë në Shqipëri të një koleksioni kryeveprash origjinale në pikturë. Për herë të parë jo vetëm artistët e rinj apo edukatorët e artit, po edhe nxënësit, studentët e mbarë publiku artdashës, do të mund të marrin shijen unikale të telajove origjinale të mjeshtrave të pikturës europiane”. (A.R/SHUPLAKA)
Replikat qytetar-Rama:
Discussion about this post