Një qytetar nga një fshat i thellë i Mirditës, teksa shprehte shqetësimin e tij në emisionin e “Zgjohu” në “Fax News”, rreshtoi në pak minuta hallet e përditshme të zonave të thella malore, ku sipas tij nuk është parë asnjëherë shtetit.
Qytetari duke folur për ndihmat që trumpetohen nga kryeministri Edi Rama për familjet në nevojë në kohë pandemie, tha se ka marrë vetëm një herë 10kg ushqime, ndërkohë që shtoi se ndihmat shpërndahen natën dhe askush nuk e di ku shkojnë.
Po ashtu qytetari u shpreh i indinjuar dhe me mungesën e energjisë elektrike në zonën ku banon, duke theksuar se ai paguan energjinë elektrikë ndërkohë që për rrjetin nuk është bërë asnjë investim.
“Unë jam i sëmurë kronik me hipertension, edhe gruan e kam të sëmurë! Nga ato që thotë kryeministri rrini në shtëpi se nuk vdes kush për bukë sepse ilaçet vijnë në shtëpi, ushqimet vijnë në shtëpi, pensioni vijnë në shtëpi… Këtu moj zonjë para një muaj e ca na kanë sjellë 10 kg ushqime ca makarona ca oriz. Na thuhet se ndihmat do të vijnë pranë familjes, vetëm një rast kemi marrë. Ka thashetheme këtu në zonë, se ndihmat vijnë natën dhe personat shkojnë i marrin me gomerë natën. Ose shkarkohen pranë një banesë, se sa mori, ku i mori nuk dihet. Por nëse është e vërtetë që shteti ka nisur ushqime për familjet në nevojë, të paktën të na i japë përndyrshe tua japë hajdutëve.
Nuk kemi asnjë numër të zyrës së emergjencave, vetëm spitalet. Këtu nuk vjen njeri i gjallë në zonën tonë. Këtu era shtet vjen vetëm kur mbillet droga dhe vetëm ndonjë faturist dritash. Ky është shteti jonë. Të paktën kur vjen puna për vota shihen njerëz, bëjnë premtime. Kur vjen puna, ujë jo, rrugë jo, drita jo. Ne jemi edhe pa drita! Kur fryn erë nuk kishte drita dhe nuk kishte burrë nëne që të hypte në pemë sepse ishin lidhur telat në pemë. Hypim në pisha. Kush hyp lartë në ato pemë.
Është gjithë fshati që ka nevojë për ndihmë. Këtu kanë mbetur vetëm 25 banorë, kanë ikur njerëzit, nuk kishte infrastrukture. I pari që iku ishte arsimtari dhe kur ik arsimtari iku dhe fëmija. Kush do të vërë dorë në këtë fshat, jo vetëm këtu por në të gjithë fshtrat e veriut. Në zonat malore motër shteti hoqi dorë. Nëse unë rrej hajde shiheni, linjat elektrike, nuk hidhet një fadromë me dhe në rrugë që të tranportojmë një të sëmurë, që të marrim një thes miell, të shkojmë të paguajmë dritat. Unë kam një mal me fatura dritash në sirtar, kur paguaj dritat unë pse nuk vë dorë për të riparuar energjinë elektrike. Kur unë të përgjigjem me lek edhe ti duhet të më përgjigjesh më shërbim.”- tha qytetari.
(M.Q/Faxweb.al)
Discussion about this post