Një qytetare dixhitale ka denoncuar drekat e organizuara nga kryeministri me rastin e festave të fundvitit për mësuesit dhe punonjësit e Delvinës.
Në denoncimin e saj publikuar nga ish-kryeministri Sali Berisha, ajo shprehet se të gjithë mësuesit e shkollave të qytetit dhe fshatrave të Delvinës, u detyruan të shkojnë për drekë me lekët e tyre, duke paguar 20/30 mijë lekë personi.
Ajo bën me dije se dreka ishte shtruar në resortin Santa Quaranta në pronësi të të shpallurit në kërkim Klement Balili, ambient që duhet të ishte i sekuestruar.
Postimi i Sali Berishës:
Ja se si mbështesin Ediskobari dhe Lindita, Eskobarin!
Qytetari dixhital denoncon:
Organizimin e detyrueshëm të drekave të arsimtarëve dhe punonjësve të tjerë të shtetit në resortin e drogës “Santa Quaranta” të Eskobarit të Rames! sb
“Mirëmbrëma z.Berisha.
Unë që po ju shkruaj jam një qytetare nga Delvina. Me rastin e festave të fundvitit, gjithë mësuesit e shkollave të qytetit dhe fshatrave përreth si dhe punonjësit e bashkisë Delvinë, janë detyruar të shkojnë për drekë me lekët e tyre (20-30mij lekë/person) te Santa Quarante që gjoja ishte sekuestruar. Njerëzit mezi shtyjnë muajin, mezi marrin rrogat dhe si përfundim janë të detyruar t’ia kthejnë sërish Escobarit. Flm. Anonim ju lutem.
(XH.A/SHUPLAKA)
