“Ra ky shi edhe u pamë”, kjo të vjen fillimisht në mendje nëse kërkon të analizosh sjelljen e disa prej politikanëve në javën që lamë pas.
Takime, larg gjuhës së urrjetjes dhe shumë akuj të thyer. Çdokush mendon se edhe mund ta teprojmë sa kohë që njerëzit janë duke vuajtur pasojat, po kush jemi ne që të mendojmë për të gjitha?!Tek e fundit vetë shtetarët tanë e kanë nisur me show.
Nuk kishte sit ë mos përfshihej në këtë listë takimi i Ramës me kryetarin e Bashkisë Kamëz Xhalal Mziu. Pasi ky i fundit u ankua për shkak se qeveria e kishte braktisur për të gjithën këtë mendoi Rama. Ai shkoi vetë në Kamëz për të parë nga afër gjendjen. Dhe Mziu me plot seriozitet i paraqiti të gjitha kërkesat, duke filluar nga dëmshpërblimi i të prekurve.
Pas kësaj Rama u nis drejt Beratit ku e priste propozimi i Aleancës së tij me LSI-në për kryebashkiakë, Petrit Sinaj. Një përqafim i ngrohtë mes të dyve, pavarësisht se aleanca ka përfunduar prejdisa muajash.
Pothuajse në të njëjtën mënyrë është bërë edhe takimi i kryeministrit me deputetin e Vlorës për LSI-në , Shezai Rrokaj në Novoselë. LSI u pozicionua qartazi në krah të qytetarëve dhe shprehu që bilancin e shkaqeve të bëhej pas kalimit të situatës së vështirë.
Ashtu si Rama edhe Basha pati një takim të afërt me Armando Subashin e PS-së në Fier, për t’u njohur më nga afër me problemet në zonë. Pasi theksojmë se Fieri ka qenë një nga qarqet më të prekura. Sa larg akuzat në këtë foto, fokusi i vetëm mbeten qytetarët.
Ndërsa për të kulmuar gjithë etiketimin për flirtet ka menduar kryeministri Rama. Pas falenderimeve të përsëritura ai ka postuar dhe një foto të rivalit të tij, duke theksuar se gjërat e mira duhet të vlerësohen.
‘’ Gjithkush prej nesh mund të bëjë punë të mira dhe kur dikush e bën një punë të mirë, sado e vogël a e madhe qoftë, duhet falenderuar e respektuar për atë punë, pavarësisht nëse në jetën e përditshme mendojmë njësoj a mendojmë krejt ndryshe”, shkruante Rama bashkëngjitur fotos.
Kaq shumë moderim në këto ditë, sa mirë do ishte që të paktën për sjelljen e politikanëve përmbytjet të zgjasnin.
(E.K/FAXWEB)
Discussion about this post