Një ngjarje e rëndë ka ndodhur pak çaste më parë në qytetin e Korçës ku një vajzë ka rënë nga kati i gjashtë i një pallati ku ndodhej në një bar kafe ndërsa është dërguar në gjendjen të rëndë në spital.
Sipas Policisë, 30-vjeçarja, emri i të cilës nuk bëhet i ditur, dyshohet se është vetëhedhur ndërsa ambjenti ku ka ndodhur ngjarja shërben si biznes.
Ajo ka mbetur në katin e dytë të pallatit ku ka ndodhur ngjarja ndërsa është transporuar për në Spitalin Rajonal të Korçës.
Ndërtesa në fjalë ndodhet në qendër të Korçës, ku dy katet e fundit shërbejnë si bar kafe dhe restorant.
Informacionet paraprake flasin se ka dyshime që e reja të ketë rënë nga bar kafeja, e cila ndodhet në katin e gjashtë dhe më pas të jetë përplasur me shesh-pushimin e katit të dytë.
Korçë/Informacion paraprak
Më datë 23.02.2020, në lagjen nr. 3, një shtetase rreth 30 vjeçe, pasi ka hyrë në ambientet e një lokali, ka dalë në ballkonin e tij në katin e gjashtë dhe dyshohet se është vetëhedhur, ku për pasojë ka rënë në katin e dytë të kësaj ndërtese.
Kjo shtetase u transportua në Spitalin e Korçës ku ndodhet nën kujdesin e mjekëve, ndërsa grupi hetimor po punon për sqarimin e plotë të rrethanave të ngjarjes.
Discussion about this post