Ra nga kati i 6-të i pallatit në Lezhë, ndërron jetë vajza 8 vjeçare tek “Trauma”

E mitura nuk mundi tu mbijetojë dot plagëve të marra në kokë dhe disa pjesë të trupit.

Ngjarja ndodhi rreth orës 12:30 minuta në lagjen Besëlidhja në banesën ku banonte e mitura me iniciale K.P.

Ajo ka qenë duke luajtur në ballkonin e apartamentit, ku është rrëzuar.

Nga goditja mësohet se vogëlushja ka pësuar dëmtime në kokë, ndërkohë që kanë qenë banorë të zonës të cilët kanë parë ngjarjen dhe i kanë ardhur menjëherë në ndihme të miturës 8-vjeçare.

Ata e dërguan me urgjence në spitalin e Lezhës ku pasi mori ndihmën e parë në spitalin e Lezhës, u dërgua me urgjencë nëpërmjet një helikopteri në Spitalin e Traumës në Tiranë ku dhe ndërroi jetë.

Nga të dhënat është bërë e ditur se në momentin e ngjarjes vogëlushja ka qenë e vetëm brenda banesës, pasi nëna e saj kishte dalë. (M.D/ Shuplaka)