Dotën e sotme Drejtoresha e Departamentit për Kufirin dhe Emigracionin në Policinë e Shtetit, Drejtuese e Lartë Aida Hajnaj, ka shkuar për inspektim në pikën e kalimit kufitar Kakavije, për krijimin e lehtësirave ligjore për shkak të rradhëve të gjataqë ka këto ditë nga fluksi i emigrantëve.
Sipas informacioneve të policisë gjatë 12 orëve të fundit mbi 7500 shtetas dhe 2600 mjete kanë dalë dhe mbi 4600 shtetas e 730 mjete kanë hyrë nëpërmjet Pikës së Kalimit Kufitar Kakavije.
Policia Kufitare Kakavije po punon me procedura të përshpejtuara, me 9 sportele në dalje e 5 në hyrje.
Nga ana tjetër edhe policia po shton në maksimum sportelet që të mos krijohen rradhë të gjata emigrantësh.
Nga ana e policisë po sugjerohet shfrytëzimi i pikave të tjera të kalimit si Tre Urat e Qafë Botë. (J.V/Shuplaka)
