Ish kryeministri Sali Berisha foli për mediat pas mbledhjes së grupit parlamentar opozitar në ambjentet e Kuvendit.
Berisha u shpreh se gjendemi në një situatë të jshtëzakonshme parlamentare dhe kjo prej Edi Ramës. Sipas Berishës, Rama cakton kryetarin e opozitës dhe bllokon çdo Komision Parlamentar.
Në Shqipëri nuk ka më pluralizëm por vetëm një pushtet të Edi Ramës. Kryeministrin e vendit tonë e akuzon radio France International si të lidhur me drogën.
Për Berishën do të hyjmë në një periudhë të re në të cilën do të fitojë populli opozitar.
Sali Berisha: “Situatës së jashtëzakonshme të krijuar në parlament nga Edi Rama, i cili në një qëndrim të paprecedentë në historinë e parlamentarizmit, merr përsipër ti caktojë opozitës ti caktojë kryetarin e saj, të bllokojë çdo Komision Hetimor Parlamentar që nuk i intereson, merr përsipër të bllokojë të gjitha këto në kundërshtim me Kushtetutën, çdo iniciativë ligjore të deputetëve të parlamentit, dhe janë me dhjetëra të tilla, grupi parlamentar e konsideron këtë një situatë të jashtëzakonshme dhe garanton qytetarët se që në seancën e ardhshme dhe në vazhdim, do të japë çdo përgjigje të merituar.
Sot Shqipëria në parlamentin e saj nuk më pluralizmin e vërtetë. Sot ka një pushtet të Edi Ramës, po e theksoj edhe njëherë, dje Radio France International, e akuzon si të lidhur me drogën. Ndërkohë janë të dhënat e gjithanshme për lidhjet e tij me kartelet më të rrezikshme të botës, tani këtij i duhet të shuajë me çdo kusht, zërat e opozitës së vërtetë dhe të mbajë pluralizmin me peng opozitën.
Këto akte janë antidemokratike, destabilizuese dhe janë të papranueshme për popullin opozitar.
Ju garantoj se ne hyjmë në një periudhë të re, në të cilën do të fitojmë, në të cilën populli opozitar do të fitojë”
Discussion about this post