Televizioni italian Rai News ka ardhur ne Shqipëri dhe po ndjek nga afër zhvilimet politike në vend. Gazetarja e ketij kanali ka intervistuar edhe kryetaren e LSI Monika Kryemadhi.
Ka nisur një krizë politike në Shqipëri pas dorëheqjes masive të deputetëve të opozitës, të cilët kërkojnë rënien e qeverisë që akuzohet për bashkëpunim me krimin e organizuar, dhe kërkohen zgjedhje të reja.
Korespondentja jonë në Tiranë, Laura Tangherlini, ka intervistuar njërën prej deputeteve të opozitës, e cila ka një pozicionim të veçantë, sepse është edhe gruaja e Presidentit të Republikës së Shqipërisë.
Pyetje: Kryeministri Rama ka deklaruar se ai do të vazhdojë të qeverisë, se nuk do të ketë zgjedhje të parakohshme, dhe se Parlamenti do të vazhdojë punën e tij…
Institucionet janë totalisht të shkatërruara dhe është normale që ai të ndihet paksa si mbreti i Shqipërisë, duke menduar se ka mbështetjen e të gjitha institucioneve, por ky është një problem. Sjellja e tij është vërtetë një problem serioz, nëse ai nuk arrin të kuptojë se çfarë po ndodh, është problem i tij dhe jo problem i popullit shqiptar apo opozitës.
Pyetje: Konkretisht, le ta zëmë se të enjten e radhes mazhoranca vendos të kthehet në Parlament dhe të vazhdojë punën. Ju çfarë do të bëni? Do t’ia lejoni?
Protesta jonë do të vazhdojë. E gjithë axhenda jonë varet nga qeveria, nga vendimi i mazhorancës dhe populli do të jetë me ne, sepse ne jemi opozita, ne do ti mbrojmë dhe nuk do ti lëmë të provokohen nga forcat e tjera, si forcat e sigurisë të qeverisë. Axhenda e opozitës është shumë mirë e organizuardhe kjo axhendë do të shkojë para për ta kthyer Shqipërinë në rrugën e duhur, në një vend demokratik që synon të anëtarësohet në Europë përmes demokracisë.
Pyetje: Ju jeni edhe gruaja e Presidentit të Republikës. Jam kurioze, sepse është një gjë e veçantë. Si ka ndikuar kjo gjëndje e politikës në familjen tuaj?
Është shumë e vështirë, sepse ne jemi dy persona komplet të ndyshëm nga ana e karakterit, por gjithsesi në familje kemi gjithësecili rolin e tij. Unë jam nëna që kujdeset për fëmijët dhe ai është babai i shtëpisë, sigurisht ai mendon se aktiviteti ynë është pak i çuditshëm, pak si tepër agresiv nga pikëpmaja e vendimeve që marrin (djegia e mandateve), por kjo është e vetmja mënyrë që ne të ndezim shpresën te populli se diçka po ndryshon në Shqipëri.
Intervista e plote: (lexo ketu)
