Sulmohen me raketa ndërtesat qeveritare dhe ambasadat e Bagdadit. Sulmi, vetëm pak orë pas përleshjeve të shpërthyera gjatë një proteste, të cilat shkaktuan të paktën 5 të vdekur.
Nuk raportohet për viktima në zonën që strehon ndërtesat qeveritare dhe ambasadat e huaja në kryeqytetin irakian. Nga sulmi mbetën të plagosur të paktën 200 persona. Mijëra persona dolën në rrugë mëngjesin e së shtunës me kërkesën për reformë elektorale. Protestuesit u drejtuan në zonën e gjelbër dhe policia u kundërpërgjigj me gaz lotsjellës.
Protestuesit, kryesisht mbështetës të klerikut shiit Moktada al Sader, këmbëngulin për ndryshime të komisionit elektoral që mbikëqyr zgjedhjet. Sipas protestuesve. komisioni nuk është i pavarur sepse të gjithë anëtarët e tij janë të lidhur me parti politike.
Nuk është ende e qartë se kush i qëlloi raketat e tipit “Katjusha”, por sipas burimeve ushtarake ato mund të jenë hedhur nga lagjja Baladiyat, ku Al Sader është mjaft popullor.
