Kryebashkiaku i ri i Kamzës Rakip Suli, ka hyrë ditën e sotme në ambientet e bashkisë, pak pasi këshilltarët e rinj thyen bravën e derës dhe e hapën me forcë.
Menjëherë pas këtij veprimi, ka reaguar edhe ish-kryebashkiaku për 12 vite i kësaj bashkie, Xhelal Mziu i cili shkruan se ky institucion është vjedhur forcërisht nga socialistët.
“Vidhet forcerisht nga Socialistet, institucioni i Bashkise Kamez.Ne oren 16.05 minuta Keshilltaret qe u betuan se do te japin kontributin e tyre per te miratuar vendime te rendesishme per qytetaret e Kamzes, te ndihmuar nga militantet e Partise Socialiste dhe Personalisht nga Shefi i Komisariatit Nr.5 Sali Skura dhe ndihmesit e Tij thyen xhamat e deres se jashtme dhe duke shperthyer ate me force duke treguar se me cfare qeverisje lokale do te perfaqesohet qyteti i Kamzes.”- shkruan Mziu.
Discussion about this post