Deputeti Ralf Gjoni ka përgënjeshtruar vetveten gjatë ditës së sotme pasi është shprehur krejtësisht ndryshe nga prononcimi I djeshëm lidhur me votimin në parlament për shkarkimin nga detyra të Presidentit Ilir Meta.
Gjoni shprehet se vota e tij në Parlament do të jetë e kushtëzuar ç’ka lë të kuptohet se edhe nëse do të votohet për shkarkimin e Metës, ai nuk do të votojë pro.
“Përsëri për të gjithë shpifësit inflacionistë e injorantët që keqinterpretojnë në tellallin mediatik: E thashë hapur dje se kuk ka, dhe nuk do të ketë akt parlamentar për shkarkimin e Presidentit të Republikës. Parlamenti nuk është Gjykatë Kushtetuese, dhe në mungesë të saj shkarkimi i Presidentit është i pamundur. E kam thënë QARTË që ditën e parë që hyra në Kuvend se shkarkimin e Ilir Metës nuk do e votoja kurrë në kushtet aktuale. E përsëris se vota ime në çdo akt parlamentar mbetet e kushtëzuar me ndryshimin e sistemit zgjedhor dhe korrigjimin e masakrës elektorale te vitit 2008! Kjo është arsyeja madhore për të cilën kam pranuar mandatin. Për më tepër, do shprehem të enjten në seancë plenare!”, shkruan Gjoni në llogarinë e tij në FB.
Ndërkohë kujtojmë se deputet i ardhur nga listat e Lëvizjës Socialiste për Integrim njërkohësisht dhe ish-këshilltar i Presidentit Meta është shprehur ditën e djeshme i gatshëm për të votuar shkarkimin e Presidentit nëse në bazë të kësaj do të ndryshoje dhe sistemi zgjedhor.
Ai shprehet se vota e tij është e kushtëzuar megjithatë në bazë të kërkesave të tij është ndryshimi rrënjësor i sistemit zgjedhor por gjithashtu një tjetër arsye është hapja e listave dhe ligji për partitë politike.
Kujtojmë që Presidenti Ilir Meta ka çdekretuar datën e zgjedhjeve, duke mos i organizuar ato në 30 qershor por njëkohësisht duke mos lënë asnjë datë zgjedhjesh tjetër.
Ndërkohë që për shkak të vendimit të Metës, Taulant Balla ditën e sotme i ka drejtuar një letër Ruçit ku i kërkonte që në seancën e radhës të diskutojnë në mbledhjen parlamentare vendimin e Metës e njëkohësisht krijimin e një mocioni.
(F.GJ/FAXWEB.AL)
Discussion about this post