Kryeminstri Edi Rama ka mbledhur mëngjesin e sotëm Komitetin e Emergjencave për të komunikuar se faza e parë e për,bytjeve ka përfunduar.
“Së pari besoj që moment më të mirë se ky për të uruar forcat e armatosura në këtë 105 vjetor të krijimirt të tyre dhe për të vlerësuar rolinqë ata kanë për vendin nuk ka. Faza e dytë është ajo e kapërcimit të pasojave për familjet e prekura dhe për ato pjesë së infrastrukturës që janë jetike për vazhdimin e jetës normale në komunitetet e përmbytura.
Do na duhet që të ecim më tej me zbatimin e planit që ka nisur nga ana e Ministrit të Bujqësisë për të ndërhyrë në të gjirtha pikat e dobëta dhe të rrezikuara nga uji. Shembja e një numri të konsiderueshme ujërash tregon përmasat katastrofike që kjo situatë kishte . E kemi parë që ka akoma disa pika të dobëta dhe problematike në vend, duhet që të bëjmë një sërë ndërhyrjesh të tjera për mbrojtjen më afatgjatë të shtratit të lumenjve, dhe për mbjelljen me përparësi të pemëve në të gjitha ato zona ku dëmtimi i hapësirave të gjelbërta ka shkaktuar erozion.
Qytetarët dhe biznesmenët duhet që të marrin masat dhe të sigurohen si në të gjitha vendet e siguruara që të dëmshpërblehen në këto raste të fatkeqësive natyrore. Ne do të bëjmë çfarë është e mundur, për të përmbushur detyrimet tona”, u shpreh Edi Rama.
(E.K/Faxweb)
Discussion about this post