Kryeministri Rama ka artikuluar me një gjuhë më pak të ftohtë dhe diplomatike mendimin e tij për pozicionimin e diskursit të LSI në fushatë zgjedhore mbi pakënaqësitë ndaj PS-së.
Rama u shpreh në “Opinion” se ka një problem me LSI-në pasi siç u shpreh ai, kur vijnë zgjedhjet kjo forcë politike i drejton gjithmonë gishtin “të madhit”, pra partisë më të madhe të koalicionit që është në këtë rast PS.
“Unë një problem kam me LSI-në, është fakti se sa vijnë zgjedhjet sipas tyre çfarë nuk shkon e ka fajin i madhi, kanë qenë edhe me PD-në e tani janë me ne. Po LSI çfarë bën? Apo me një dorë mban timonin e nga ana tjetër fajëson të madhin? Nëse del forcë e parë ka komlplimentet e mia por hqajde flasim për gjëra serioze”,-u shpreh Rama i cili sonte ndoshta më shumë se kurrë artikuloi rezervat e tij ndaj LSI-së e cila pretendon se do të jetë forcë e parë pas 25 qershorit.
(M.D/Shuplaka)
