E shtuna do të karakterizohet nga heshtja zgjedhore, ndërkohë që ditët para saj do të shënojnë përmbylljen e fushatave elektorale të partive politike në vend.
Partia Socialiste me në krye Edi Ramën ka vendosur për zhvillimin e një mitingu nesër, të enjten e 22 qershorit në sheshin “Nënë Tereza”, ndërkohë që ai përmbyllësi ndryshe nga sa mendohej, do të mbahet në Vlorë. Kujtojmë se kryeministri dhe njëherazi kreu i PS-së, Edi Rama, kandidon si deputet në qarkun e Vlorës, arsye kjo pse mesa duket ka zgjedhur Vlorën për t’i vënë vulën.
Lëvizja Socialiste për Integrim zhvilloi një miting madhështor pasditen e 15 qershorit në sheshin “Nënë Tereza”, ndërkohë që ai përmbyllësi është planifikuar të mbahet në qytetin e Fierit.
Ndërsa kryedemokrati Lulzim Basha ka vendosur për zhvillimin e mitingut përmbyllës të Partisë Demokratike në orën 19:30 të së premtes.
(XH.A/SHUPLAKA)
