Kryeministri Edi Rama, mori sërish fjalën në Parlament ku foli mbi vlerësimin që OSBE-ODIH ka bërë për marrëveshjen e 18-Majit, përmes një raporti.
Ndër të tjera, Rama u bëri thirrje demokratëve që të mos flasin për kryetarin e Kuvendit Gramoz Rucin dhe Ministrin e Brendshëm, Fatmir Xhafaj në emër të SHBA-ve, por të ndajnë mendjen se kë do çojnë në delegacion me Ruçin në SHBA.
“Raporti i OSBE ODIHR vlerëson pozitivisht marrëveshjen e 18 majit. Më tutje raporti saktëson se falë ndryshimeve ligjore pas marrëveshjes u ulën kostot financiare të fushatës dhe u ulën shkeljet.
Në disa qendra votimi, administrimi i zgjedhjeve u bë më mirë, ndërsa ankimimet u mbyllën në një kohë shumë të shkurtër.
Pakicave kombëtare iu dha mundësia e barabartë dhe të tjera që do kemi kohë ti diskutojmë por një gjë sjell në sallë ky raport. Edhe këta janë tëblerë, verbër, janë të trembur nga krimi, nga konkluzionet ku ju keni dalë, që pas zgjedhjeve të 2013 i përsërisni sin ë jerm dhe akoma se keni kuptuar çfarë ka ndodhur atëhere e jo më ti jepni përgjigje atyre çfarë ka ndodhur në 2017. Ndërkohë që nuk po rikthehem për më gjatë se çfarë thotë anglezi e danezi. Është turp për çdo politikan shqiptar, që të pranojë se terminologjia, është e arsyetuar por edhe e përdorshme në këtë parlament vetëm për të ulur njëri tjetrin. Kjo është e neveritshme. Për ta mbyllur, mos flisni në emër të SHBA, as të BE, sepse detyroheni të vini në këtë pikën ku keni ardhur sot.
Për të tjerët nuk po diskutojnë fare se çfarë u tha, unë, kryetari juaj dhe ai që do flasë pas meje. Ne të tre e dimë shumë mirë çfarë ju kemi thënë ndaj mos flisni në emër të SHBa as për Gramozin e as për Fatmirin, më dëgjoni mua, se duhet të vendosni se kë do çoni me të në SHBA.”, tha Rama.
Discussion about this post