Rama bën moralistin me Metën: Si mundet që Presidenti shqiptar të shajë kryeministrin si të ishte ekstremist fqinj? TURP!.
Kryeministri Rama ka reaguar ashpër ndaj intervistës së dhënë nga Presidenti i zgjedhur Ilir Meta në një television grek.
‘’Shokuese intervista e I.M per tv grek!Si mundet nje President shqiptar te shaje kryeministrin e vendit si te ishte ekstremist fqinj?TURP!’’, shkruan Rama.
Ditën e djeshme u publikua dhe intervista e kreu të Kuvendit Meta dhënë për televizionin grek “Star” ku shprehej se kryeministri Rama ka marrëdhënie tv paqëndrueshme me të gjithë, përfshirë dhe fqinjët.
“Në radhë të parë duhet të kemi parasysh që për fat të keq, zoti Rama ka marrëdhënie të vështira dhe të paqëndrueshme me të gjithë, përfshirë edhe Greqinë. Madje jo vetëm me Greqinë, por edhe me fqinjët e tjerë”, ka deklaruar Meta për televizionin grek.
“Së dyti, ka qenë për fat të keq, i pamundur për të treguar vetëpërmbajtje dhe tolerancë në sjelljen e tij si kryeministër brenda vendit. Unë jam sforcuar shumë për të shmangur konfrontime, të cilat mund të kishin sjellë një situatë tepër të rëndë në Shqipëri, siç ishte në radhë të parë dëshira e tij për të miratuar një reformë në drejtësi, duke përjashtuar opozitën nga një reformë kaq historike, që do të kishte sjellë një konflikt tepër të rëndë. Rasti i fundit ishte dëshira e tij për të zhvilluar zgjedhje pa opozitën, gjë që do të ishte diçka e tmerrshme për një vend demokratik si Shqipëria, me 27 vjet pluralizëm, anëtar i NATO-s dhe vend kandidat për në Bashkimin Evropian. Dhe natyrisht qëndrimi im ka qenë parimor dhe në interes të stabilitetit të vendit dhe nuk është përgjegjësia ime që dikush nuk i menaxhon shanset dhe mbështetjen që i jepet. Dhe në fakt, dy njerëzit që unë kam mbështetur më shumë në jetën politike në Shqipëri janë Edi Rama dhe Lulzim Basha”, ka vijuar deklata e Metës.
(E.K/SHUPLAKA)
