Kryeministri Edi Rama gjatë pasdites së sotme ishte në qytetin e Lezhës, ku zhvilloi një takim me qytetarët në kuadër të fushatës së llogaridhënies. Takimi me qytetarët u shoqërua jo vetëm me batuta por edhe me kritika nga disa të pranishëm në sallë, të cilët i kërkuan llogari për disa reforma të pazbatuara deri më tani.
Ndërsa një qytetar po i drejtonte një pyetje, Rama u shpreh se duhej të largohej pasi do të jepte një intervistë për një tv lokal.
“Po ma bëjnë më shenj të të shkoj për intevistë tek ‘Tv Lezha’, nëse doni bisedoni me Linditën, por mos u largoni kur të iki unë. Nëse nuk ta mbush mendjen Lindita, unë s’ta rregulloj dot problemin, ky është problemi më I madh që ke, që s’ta mbushin mendjen gratë. Do bëjmë edhe takime të tjera dhe do kemi kohë t’i diskutojmë këto gjëra në të gjitha njësitë administrative”, u shpreh Rama, i cili u largua menjëherë nga salla dhe fill pas tij u larguan dhe qytetarët.
(M.Q/Faxweb)
Discussion about this post