Kryeministri Rama ka marrë në mbrojtje ministren e Arsimit Lindita Nikolla pas akuzave ndaj saj që bëri Ben Blushi. Duhet thënë se fjalori i Ramës ka degraduar duke e quajtur Blushin një mbeturinë.
‘’Nuk çuditem fare nga fjalori katundar që është përdorur këtu. Avash sot mos fol më për sot pasi je tronditur shumë sot. Asgjë personale po kujdes kur flet për gratë. Nuk ka problem nëse janë një dy apo disa Sali.
Nëse do isha në vendin tënd do vija këtu dhe do kërkoja falje për fyerjen që i bëre si një karrocier i dehur. Ti nuk meriton përgjigje, vetëm ke shpifur. Këtu në këtë shkallë sot ka vetëm një të zezë që është smira jotye, dhe vjen e na tregon politikanit e ri.
Je një mbeturinë e KPD-së. I trajton të vërtetat sikur janë romane. Vjen këtu për tia shitur njerëzve’’, shpërtheu Rama.
Discussion about this post