Kryetari i grupit parlamentar të LSI, Petrit Vasili ka reaguar pas konferencës për shtyp të kryeministrit Rama dhe pas deklaratës së këtij të fundit se për ndërtimin e inceneratorit të Verrisë në Fier është biseduar me banorët e zonës.
Vasili shkruan në Facebook se vendimi është marrë me kohë, Rama gënjen dhe banorëve të Verrisë nuk u është marrë asnjë mendim.
Vasili citon edhe raportprogresin e fundit të BE për Shqipërinë, sipas të cilit, ndërtimi i inceneratorit përbën shqetësim në termat e respektimit të parimeve të BE, për shkak se siç thuhet në raport, ‘groposja dhe incenerimi janë opsionet më pak të pëlqyera të menaxhimit të mbetjeve’.
Vasili akuzon kryeministrin Rama se duke lejuar ndërtimin e inceneratorit, po shkakton kancer tek banorët e fshatit.
(E.L./Faxweb)
