Kryeministri Edi Rama duket se i është rikthyer avazit të vjetër të komunikimit me gazetarët. Pas një dite të ngjeshur si ajo e djeshmja Rama ka njoftuar sot për një konferencë me gazetarët.
Rama do t’i përgjigjet në të njëjtën kohë edhe pyetjeve që i bëhen nga ndjekësit në rrjetet sociale.
‘’Sot në 12.00 komunikim me gazetarët dhe miqtë e rrjetit social ERTV Live’’, shkruan Rama. Kujtojmë se ditën e sotme do të jetë dhe seanca e fundit e kësaj legjislature të Kuvendit.
Dje negociatat mes Ramës dhe Bashës dështuan po të dyja palët nuk mbyllën përfundimisht dyert e dialogut. Edhe pse qëndruan më shumë se tre orë në Presidencë diferencat kanë qenë vërtet të mëdha.
Ndërkohë që të dielën pritet të ndodhë edhe përballja direkte mes kampeve në zgjedhjet për Kavajën. Opozita është shprehur se do të protestojë në Kavajë në mënyrë që të bllokojë procesin zgjedhor.
(E.K/SHUPLAKA)
Discussion about this post