Prej tre ditësh tashmë përpara kryeministrisë po zhvillohet një protest maratonë nga ana e opoxitës. Kërkesa e tyre është një dhe e qartë: Në zgjedhje të shkohet pa Ramën kryeministër. Një garanci kjo sipas tyre që do të jetë për mbajtjen e zgjedhjeve të lira e të ndershme.
Kërkesa këto që deri më tani nuk kanë gjetur një reagim nga ana e qeverisë Rama. Ndërkohë që pritet një dalje nga ana e kreut tjetër të koalicionit Ilir Meta, Rama ka mbledhur sot grupin parlamentar të Partisë Socialiste.
Nga informacionet e para mësohet se ai iu ka kërkuar deputetëve që të mos merren me protestën dhe as të komentojnë nëpër rrjetet sociale. Me pak fjalë kjo nuk është punë e tyre. Ai ka dhënë urdhër që ata të shpëndahen sipas qarqeve, dhe terreni do të jetë vendi ku ata duhet të bëjnë punën e tyre.
Nuk dihet nëse Rama do të vazhdoj të mohojë edhe për shumë kohë kërkesat e opozitës, apo do të tentohet një rrugë dialogu në mënyrë që të ecet përpara dhe me Reformën Zgjedhore.
Kujtojmë se kohët e fundit kryeministri Rama ka qenë pak kohë i pranishëm në vend, ku nuk kanë munguar as vizitat dyditore në Kosovë.
FJALA E PLOTË E RAMËS:
Situata duhet parë si shtysë për të vazhduar intensivisht organizimin e punës per zgjedhjet. Për të komunikuar gjithandej me njerëzit. Ne s’kemi çfarë ndryshojmë. Duhet të vazhdojmë normalisht detyrat tona qoftë në parlament, qoftë në qeveri. Praktikisht protesta është organizuar për qëllime që nuk thuhen nga ana e tyre, por që dihen. Edhe bojtkoti i Parlamentit është një mekanizëm i qartë për të bllokuar përzgjedhjen e komisioneve të vetingut, që duhet të fillonte javen e ardhshme. Formulat janë të tilla që të dyja komisionet e vetingut, qoftë shkalla e parë, qoftë apeli nuk formohen dot pa opozitën.
Nëse bojkoti nuk do kishte ndodhur, mund të ishte e vështirë të provohej se protesta bëhet për të bllokuar Vettingun. Por bojtkoti është prova që gjithçka ka të bëjë me vetingun. PD ka kohë që kërkon alibi për humbjen e rradhës, por ne skemi çbëjmë. Ata kërkojnë gjëra që nuk varen nga ne. Ne nuk i kemi penguar, madje i kemi kërkuar që çdo shqetësim që ka të bëjëme zgjedhjet të adresohet në komisionin e reformës zgjedhore. Madje kemi thënë se çdo kërkesë e opozitës për të cilën OSBE/ODIHR jep mbështje, ka automatikisht edhe mbështetjen tonë.
(E.K/SHUPLAKA)
