Kryeministri Edi Rama gjatë fjalës së tij në Poliçan si ndryshe nga ç’ka folur deri më tani ka devijuar sulmin ndaj LSI-së dhe është fokusuar në Partinë Demokratike. Por duhet të theksojmë që duke marrë parasysh edhe rezultatet e zgjedhjeve të mëparshme LSI në këtë qark ka qenë shumë në avantazh ndaj PS-së.
Rama ka theksuar PS nuk shkon në zgjedhje me tifozë partish dhe në emër të votave ndajnë shtetin dhe zyrat e shtetit mes tyre duke e bërë të pamundur reformimin e mëtejshëm të shtetit.
“Në 25 qershor do marrim një vendim shumë të rëndësishëm për Shqipërinë që duam, për skuadrën që duhet të drejtojë punët e këtij vendi. Në 25 qershor duhet të shkojmë në zgjedhje jo tifozë partish, por si shqiptarë familjarë që duan të gjithë së bashku që Shqipëria të ndahet nga një histori e gjatë edhe e mundimshme e shtetit të copëtuar, në republika partish që në emër të forcave që kanë për shkak të votës ndajnë shtetin dhe zyrat e shtetit mes tyre duke e bërë të pamundur reformimin e mëtejshëm të shtetit.
Prandaj ne duam një votë masive dhe PS ka nevojë për ndihmën e të gjithëve pastaj më ndihmoni që të bëjmë më shumë. Maturantëve ka filluar t’u ofrohet kopja e tezave të Maturës Shtetërore në këmbim të kartave të identitetit të familjarëve e të tyre. Do ju them që kushdo që iu ofron këtë është në mashtrim, se tezat e maturës shtetërore janë super të sekretuara jo me t’i nxjerrë në pazarin e votave”, u shpreh Rama.
Më tej ai theksoi se Republika e Re ka sjellë në Berat një listë vetëm me burra, pa asnjë grua, pa asnjë vajzë.
Së dyti dua tu them të gjithë atyre që gjendjen para kësaj oferte mashtruse që të kuptojë që mjafon një ofertë e tillë që shkel dinjitetin e prindërve tuaj që shkel dinjitetin. Për t’i dhënë fund iluzonit, që votot mund të merret me kopje. Së fundmi miqtë e mi unë dua tju them që tani është koha që Partinë Socialiste ti japim një fund. Të bëjmë sa më shumë mendje për një votë kuqezi, për ta çuar Shqipërinë një orë e më parë në BE dhe për të ngulur në oborrin e BE-së, flamurin e Skënderbeut dhe Ismail Qemalit. Një amanet grave dhe vajzave të Poliçanit sepse besoj që është e patolerueshme, është e pajustifikueshme dhe është krejtësisht e pagëlltitshme që në shekullin e 21 një parti që pretendon të bëjë një Republikë të Re të sjellë në Berat një listë vetëm me burra, pa asnjë grua, pa asnjë vajzë. Në këtë pikë duhet të bashkohen të gjitha gratë, nënat dhe motrat pavarësisht bindjeve politike.”, u shpreh Rama. (J.V/Shuplaka)
