Rama dhe Basha prej 3 orësh kokë më kokë tek “Kongreset”, Ilir Meta i përshëndet kështu nga larg

Paraditen e sotme, kryeministri Edi Rama dhe kryedemokrati Lulzim Basha, janë takuar sërish për modalitetet e marrëveshjes së një dite më parë.

Teksa ata vijojnë kokë më kokë takimin me dyer të mbyllura në “Pallatin e Kongreseve”, makina e ish-kryetarit të LSI-së, Ilir Meta, ka kaluar përpara “Pallatit të Kongreseve”, referuar burimeve për një portal online.

Teksa të gjithë gazetarët kanë nxituar t’i marrin ndonjë deklaratë Metës lidhur me këtë marrëveshje, ai ka vijuar rrugën duke shmangur kështu ndonjë prononcim të mundshëm dhe mjaftuar me një përshëndetje me bori.

Pavarësisht këtij zhvillimi të rëndësishëm politik në vend, duket se ish-kryetari i LSI-së, tanimë deputet, po vijon axhendën e tij deri në marrjen e postit të Presidentit të Republikës së Shqipërisë.

(XH.A/SHUPLAKA)