Edhe 1154 kuti kanë mbetur për t’u numëruar para se të dali rezultati përfundimtar i zgjedhjeve, mirëpo duket se partitë politike po “mbajnë frymën” deri në numërimin e kutisë së fundit.
Kryeministri Edi Rama dhe kreu i opozitës Lulzim Basha, ndodhen në zyrat respektive dhe janë ngujuar aty gjatë gjithë ditës. Ndërkohë asnjëri nga të dy nuk ka preferuar të flasë lidhur me rezultatin e zgjedhjeve.
Kujtojmë se sipas të dhënave të KQZ-së, PS merr 73 mandate, PD 43, LSI 19, PDIU 4, ndërsa PSD 1, pas numërimit të 3381 kutive të votimit ndërkohë që kanë mbetur për t’u numëruar edhe 1481 kuti.
Ndërkohë PDIU-ja ka 4 mandate: 1 në Dibër (Reme Lala), 1 në Tiranë (Shpëtim Idrizi) dhe 2 në Elbasan (Aqif Rakipi dhe Bujar Muça). 1 deputet e merr edhe PSD-ja me Tom Doshin në Shkodër. (D.D/Shuplaka)
