Kryeministri Edi Rama dhe komisioneri Johanes Hahn kanë pasur një konferencë të përbashkët mes tyre, lidhur me ecurinë e Shqipërisë, sa i përket çeljes së negociatave.
Hahn tha se vendi ynë ka pasur përparim sa i përket reformës në drejtësi dhe luftës ndaj krimit të otganizuar edhe pse ka ende punë për të bërë.
“Të vazhdojë punën për procesin e reformave se një nga arsyet pse pati një mbështetje kaq të madhe ishte rezultatet e para premtuese të procesit të vetingut por kjo duhet të vazhdojë se s’ka përfunduar ende. Puna duhet të vijojë dhe së dyti tani është detyra për të gjithë administratën për tu marrë me fushat e 35 kapitujve për të parë që situata ligjore është në përputhje me kushtet e BE”, tha Hahn.
Hahn tha më tej se BE-ja do të vijojë që të asistojë reformat që do të ndërmarrë vendi ynë, ndërsa kryeministri Rama shprehu garancinë se Shqipëria do të vijojë punën, deri në anëtarësimin e plotë në BE.
Ai e ftoi Hahn javën e ardhshme në Shqipëri, një vizitë kjo që është konfirmuar dhe më herët nga zyra e Hahn.
‘’Na presim muaj të vështirë, ju mirëpres në Tiranë së bashku me ekipin tuaj. Ju sigurojmë që nuk do të humbasim kohë, ne nuk kemi humbur 12 muaj kohë, po na presin 12 muaj punë”, tha Rama.
(E.K/FAXWEB.AL)
Discussion about this post