Kryeministri Edi Rama, ditën e sotme është takuar me kryetarin e Aleancës për Ardhmërinë e Kosovës dhe njëherësh kandidati i PAN’it për kryeministër, Ramush Haradinajn. Mësohet se takimi është zhvilluar në vilën qeveritare në plazh.
Sipas gazetës ekspress, Rama dhe Haradinaj kanë diskutuar për formimin e institucioneve për të cilët koalicioni i PAN-it nuk ka arritur të sigurojë votat.
“Krejt çka mundem më thënë është se nuk është kapërcyer as tema e krijimit të institucioneve te Kosovës dhe rëndësisë që ka ky proces për vendin”, është shprehur anëtari i kryesisë së AAK’së, Muharrem Nitaj, lidhur me takimin Rama-Haradinaj.
Në këtë takim, Haradinaj është i shoqëruar nga bashkëshortja e tij anita, ndërkohë që bashkëshortja e kryeministrit tonë Linda Rama, nuk duket askund. (D.D/Shuplaka)
Discussion about this post