Kryeministri Edi Rama dhe kryetari i Kuvendit Ilir Meta po darkojnë në një restorant në zonën e Pazarit të Ri në Tiranë.
Kështu po raportohet nga disa media ku nuk bëhen më shumë detaje të ditura.
Aludohet se në darkën tek Pazari i Ri “po gatuhet” fati i koalicionit PS-LSI, pasi marrëveshja politike mes tyre përfundoi dje më 1 Prill.
Takimi mes të dyve ka nisur prej pak minutash. Nuk dihet ende nëse ka persona të tjerë politikë në këtë darkë.
Flitet në rrugë jozyrtare se të pranishëm janë edhe ministri i Drejtësisë Petrit Vasili dhe kryebashkiaku i kryeqytetit Erjon Veliaj.
Kryeministri Edi Rama deklaroi sot nga Asambleja Kombëtare e Partisë Socialiste se zgjedhjet e 18 Qershorit nuk do të shtyhen, ndërsa ftoi LSI-në të ndajë mendjen dhe të vendosë për bashkëqeverisjen pas zgjedhjeve.
Rama tha se pa diskutim që ky koalicion është më i pëlqyeshmi, ndërsa i takon LSI të vendosë për 4 vitet e ardhshme. (M.D/ Shuplaka)
Discussion about this post