Kryeministri Edi ka bërë një deklaratë shumë të fortë përmes rubrikës së tij në Facebook, Amarcord, ku shkruan se sapo kanë përfunduar përgatitjet për qeverinë teknike.
Madje shton se ky është edicioni i fundit i rubrikës Amarcord, e cila do mbyllet bashkë me faqen e “Facebook-ut”
Mirëpo po të vazhdosh të lexosh edhe pak rreshta më tutje, kupton se e gjitha është vetëm një gënjeshtër e “1 prillit”. “Helbete, dita e rrenave është dhe nuk bëhet qameti!”, shkruan Rama.
POSTIMI I RAMËS
AMARCORD
Të dashur miq, ky i sotmi është edicioni i fundit i rubrikës Amarcord! Sepse sapo ka përfunduar përgatitja për krijimin e qeverisë teknike dhe kjo rubrikë do të mbyllet, bashkë me këtë faqe!
Lamtumirë!!!….
(Sot, gjithkush mund të thurrë një rrenë, me lezet për të tromaksur një çast miqtë me hilaritet? Helbete, dita e rrenave është dhe nuk bëhet qameti! Po sa për rrenat e çdo dite tjetër, mos e çani kokën. Nuk ka çadër që i’a fsheh mërzinë dhe i’a mbron rrenës statujën, prej diellit të së vërtetës. Siç e thotë Konica diku, ngaqë statuja nuk ish as mermeri as bronxi, po prej hallve, ngjau një gjë e mërzitur. Dhe hallva nisi të shkrijë nën rrezet e diellit. (D.D/Shuplaka)
Discussion about this post