Zhvillimet e fundit politike gjithnjë e më shumë kanë treguar një zbehje të pozitës së kryeministrit Edi Rama, sidomos pas deklaratës së djeshme të kreut të Kuvendit Ilir Meta, i cili tha se nuk do ta vazhdonte koalicionin me PS-në nëse kjo e fundit nuk do të krijonte një “qeveri besimi” për opozitën.
Pas kësaj duket sikur dorëzimi i Ramës është përfundimtar dhe pa kushte. E tha edhe vetë në statusin e publikuar sot në mbrëmje, kur më në fund i bëri thirrje opozitës për dialog.
“Lulëzim ta kam thënë kaherë, jam i gatshëm për dialog sa herë PD do dialog dhe për gjithçka, kudo e kurdo! Caktoje vetë vendin dhe orën.”, shkruante Rama.
Pavarësisht se opozita ndodhet në protesta që prej 18 shkurtit, kurrë më shumë se sot Rama nuk është treguar kaq i gatshëm për dialog.
Kështu, deklarata e Metës një natë më parë dhe këmbëngulja e Lulzim Bashës sot ka qenë firmosja e një kapitullimi “publicitar” për të parin e Rilindjes.
Burime për “Shuplaka” bëjnë me dije se gjatë ditës së sotme ka patur një komunikim mes përfaqësuesve të Bashës e Ramës, përkatesisht bëhet fjalë për Oerd Bylykbashin dhe Engjëll Agacin. Nuk dihet se çfarë i ka kumtuar Bylylbashi Agacit, mirëpo statusi i Ramës tregon se të gjjtha rrugët çojnë tek ajo që Rama i druhej më shumë megjithëse ishte i përgatitur: Qeveria Teknike! Pasi edhe Lulzim Basha e ka përsëritur fort se nuk do të bëjë asnjë lloj m,arrëveshje dhe nuk kërkon asdgjë tjetër përveçse zgjedhje të lira dhe të ndershme përmes krijimit të një qeverie teknike, pra as qeveri besimi siç tha dje Meta, as dialog me Ramën.
Pak ditë më parë u raportua se Rama kishte filluar madje edhe zhvendosjen e zyrës së tij drejt Kullave të Fidelit, por zhvillimet e fundit jo vetëm e konfirmojnë këtë zhvendosje, por e bëjnë atë më afatgjatë sesa afati i shkurtër që Rama besonte se do kishte.
Bylykbashi dhe Agaci sot mesa duket kanë përgatitur kushtet e dorëzimit të Ramës, të cilat me gjasë do kulmojne të enjten, në seancën e radhës plenare në Parlament, ku do të jetë i pranishëm edhe Edi Rama. (D.D/Shuplaka)
