Lulzim Basha ashpërson gjuhën me kryeministrin Edi Rama në protestën e sotme në “Çadrën e Lirisë”, edhe pse ky i fundit e ftoi të dialogonin mbi kërkesat e opozitës.
Pasi i bëri të ditur publikut, se Partia Demokratike kishte hartuar një plan për përmirësimin e shëndetësisë, Basha edhe njëherë tjetër e akuzoi Ramën si ë lidhur me krimin.
“Ai e kishte mundësinë, qytetarët i besuan pushtetin, por ai nuk zgjodhi popullin por xhepin e tij dhe tufe hajdutësh që janë majmur me paranë e popullit në çdo fushë, e sidomos atë të shëndetësisë. Me zgjedhje të lira e të ndershme populli e ka marrë vendimin dhe Rama do shkarkohet me plebishit të përmasave të padëgjuara në historinë e Shqipërinë. I zhytur deri në fyt në afera, në lidhjet me krimin e organizuar, me banditët më të njohur, me drogën dhe paratë e drogës, ai e di se me zgjedhje të lira largohet nga pushteti dhe do përfundojë para drejtësisë, e me gjasa prapa hekurave.
Prandaj ai po bën gjithçka që më 18 qershor për shqiptarët të mos ketë më zgjedhje të lira dhe të ndershme.
Vazhdoni betejën deri në fitore, rrugë tjetër për shqipërinë europiane dhe euroatlantike nuk ka.
E di që jeni të vendosur, e tregon prania juaj e përditshme dhe e përnatshme, e tregojnë mijëra mesazhet që më vijnë, edhe njëherë ndjesë që nuk arrij tju përgjigjem të gjithëve.
Kjo nuk është beteja jonë e parë dhe as beteja jonë e dytë. Ju jap fjalën se nuk tërhiqem, do jem me ju deri në fitore. Kjo betejë nuk bëhet për të bërë Lulzim Bashën kryeministër, as partinë demokratike, por për për më të shenjtin pushtet, pushtetin e qytetarëve për të zgjedhur me votë të lirë e të ndershme.
Ky vendim është marrë, Republika e vjetër i mori vendimet e saj, Republika e Re i mori vendimet e saj. Historia tregon se e reja e mund të vjetrën. Zoti ju bekoftë ju, Shqipërinë dhe Shqiptarët kudo ku janë.”, tha Basha. (D.D/Shuplaka)
Discussion about this post