Kryeministri Edi Rama nuk i ka ndalur batuat me qytetarët gjatë fushatës elektorale. “Kazani mediatik”, “Makina nuk drejtohet me dy timonë”, “Nuk do të ndahet tepsia”, janë disa nga shprehjet më të përdorura të Ramës gjatë fushatës.
Nëse ndalemi te shprehja “Makina nuk drejtohet me dy timonë”, Rama këtë e ka kërkuar shpesh, duke iu theksuar elektoratit që kur vendi drejtohet nga një njeri është më mirë sesa me dy. Pra Rama deri më tani iu ka kërkuar qytetarëve që t’i japin votën që PS-ja të qeverisë e vetme, jo në koalicion, sepse sipas tij do kërkohet përsëri “ndarja e tepsisë”. Një thumb ky për LSI-në.
Por ditët e fundit Rama ka futur edhe një simbol të ri. Nuk kërkon më tani drejtimin e makinës por të anijes. Në faqen e tij në “Facebook” Rama ka vendosur një foto ku shfaqet timoni i një anije në ngjyrë të kuqe duke përcjellë kështu mesazhin se tani kërkon drejtimin e anijes, drejtimin e vetëm të vendit. Madje brenda timonit të anijes është shënuar edhe numri 2.
Por ende nuk dihet se si do të jenë rezultatet e zgjedhjeve të 25 qershorit. A do të lind nevoja e Ramës për koalicion?! Do të flasë përsëri për ndarje tepsie?! Zgjedhjet janë vetëm pas 48 orëve. (J.V/Shuplaka)
