Rama e nis ditën me batuta nga Dibra: E bëra për gratë se për burrat asgjë nuk do bëj (VIDEO)

Kryeministri Edi Rama ka publikuar një video nga vizita inspektuese që ai bëri në kantierin e ndërtimit për rrugën e Ulëzës.

“MIRËMËNGJES 
Dhe me këtë moment të bukur, mes njerëzish normalë, që jetojnë me problemet reale të jetës së përditshme jo me dokrrat e ububushme të kazanit të politikës e të medias, gjatë një takimi spontan në kantierin e rrugës që pas 40 vjetësh do ta lidhë Ulëzën e rilindur me rrugën kombëtare, ju uroj një fundjavë të qetë”, shkruan Rama në mesazhin e tij.

Por nuk mjafton me kaq. Ai nuk i ka kursyer batuat edhe me banorët kësaj zone, duke thumbuar kështu burrat. 

‘Rrugën e kanë të gjithë nga gratë. Gratë më thanë që ne duam këtë rrugë, dhe ndaj e bëra. Për burrat asgjë nuk do bëj’, shprehet me humor Rama.

Ndërkohë, ditën e sotme kryeministri Rama ndodhet në Dibër, ku do të mbahet dita e dytë e mbledhjes së qeverisë. (J.V/Faxweb)