Kryeministri Edi Rama duke folur para shërbimit të jashtëm ka pranuar ndër të tjera se të dielën do të shpallet dhe qeveria e re.
Po ashtu Rama lë të kuptohet se në postin e Ministrit të Jashtëm ka gjasa që mos të jetë më Ditmir Bushati.
Të dielën e 27 Gushtit ishte paralajmëruar që Rama do të prezantonte në Asamblenë e Socialistëve strukturën e Qeverisë së Re, mirëpo mesa duket po atë ditë do të mësohen dhe emrat.
“Ende kemi diplomat delenxhij, nuk po zbres deri te shoferët e ambasadave, se akoma ka nga ata që i bënë ambasadorët këmbësorë dhe i kthyen makinat në taksi familjare.
Një mendje e zgjuar dhe cinike e ka cilësuar diplomacinë si akti për të gënjyer në mënyrë diplomatike në emër të vendit. Unë nuk po ju kërkoj këtë, po na duhet të paraqesim më të mirën ton për hir të vendit.
Duhet të kërkojmë lidhje të reja me njerëzit me vendet e tjera, duhet të jemi taktikë në mënyrë që të vendosim vendin përpara gjithë syve të interesuar apo kuriozë.
Menjëherë pas shpalljes së Qeverisë së re të dielën do ti kërkoj Ministrit të ri që të bëjë një takim me ju për të biseduar në funksion të rolit që do marrë menjëherë shërbimi i jashtëm në ekonominë e vendit”, tha Rama.
(E.K/Shuplaka)
Discussion about this post