Kryeministri Edi Rama ka folur nga Velipoja dhe për seancën parlamentare të së shtunës dhe protestat e paralajmëruara për zgjedhjen e Gramoz Ruçit në krye të Kuvendit. Ai tha se kjo nuk do të ishte opozita që do të donte dhe i duhet vendit.
Ndërkohë që i pyetur nëse ka pasur gabime në qeverisjen e katër viteve të shkuara, Rama u shpreh se ka pasur plot po që nuk do t’i ndante me gazetarët. I sinqertë po jo deri në fund.
Ai vijoi më tej duke thënë se në qeverisjen që do të nis punë nga java e ardhshme fokusi do të jenë marrëdhëniet me njerëzit.
“Sa të duash kam gabime por nuk janë për tu ndarë me ju. Pika ku do të vendoset theksi është se ne po ndërtojmë një mekanizëm qeverisës që do të jetë shumë më i rëndësishëm për njerëzit nga sa ka qenë deri më sot.
Italia ka 70 milionë njerëz dhe prodhon më pak se 1 milion certifikata në vit, ne 3 milionë dhe prodhojmë 4 milionë e gjysëm, kjo është një çmenduri”, u shpreh ndër të tjera Rama.
(E.K/SHUPLAKA)
Discussion about this post