Kryeministri Edi Rama në fjalën e tij para grupit parlamentar të PS-së, ka thënë se mbi ministrin Fatmir Xhafaj nuk rëndon asnjë përgjegjësi ligjore apo morale.
Rama tha se PS nuk ka njerëz tepër për të lëshuar në gojën e ujqërve duke krahasuar me opozitën.
Rama tha se ka bërë çdo gjë për të mbrojtur ministra e kryetarë bashkie.
“Ministri i Brendshëm nuk ka pse përgjigjet, ligjërisht jo e jo, po as moralisht. Për vëllain e tij, s’ka patur asnjë kërkesë për ekstradimin e tij. Pavarësisht llogjeve të kazanit të opozitës, që kërkojnë drejtësi e s’kanë lexuar në jetë asnjë ligj. Në mungesë të kësaj kërkesë, Shqipëria s’ka patur se si të veprojë. Nuk kemi njerëz për të lëshuar në gojën e ujkut. Jam bërë copë për të mbrojtur minisra e kryetarë bashkie.”-tha Rama.
(F.G/Faxweb.al)
Discussion about this post