Rama me emra biznesmenësh: Janë votues të PD-së po t’i ndërtojnë patjetër! Basha: Nuk më komplekson dot! Ndryshe nga ti nuk i ndaj investitorët në të majtë e të djathtë!

Sërish përplasje mes Edi Ramës dhe Lulzim Bashës në sallën e Kuvendit.

Pas emrit të Avni Ponarit, Edi Rama ka përmendur edhe 4 biznesmenë të tjerë, të cilët i kanë kërkuar atij leje për të ndërtuar, por që sipas Ramës janë votues të PD-së.

DEBATI:

Rama: Samir Mane, Shefqet Kastrati, Bashkim Ulaj, Ramë Geci, janë të katërt votues të PD-së së Shqipërisë. Këta të katërt njoh unë që kanë bërë kërkesa për të ndërtuar dhe t’i ndërtojnë patjetër!

Ju mbiu droga në gojë!
Sikur jeni të tërë nën efektin e drogës kur flisni!

Basha: Mbrohesh pas emrave të përveçëm për një përgjegjësi që është tërësisht e jotja, po mua nuk më komplekson dot se ndryshe nga ti unë nuk i ndaj investitorët në të majtë dhe të djathtë. Po në të ndershëm dhe në të pandershëm!

Sot ta kuptoj vështirësinë, po mundohesh dhe po rrekesh më kot për të fshehur minaren në një thes. Shqipëria është në rreth të zi si eksportuesi më i madh në Europë, nuk ta them unë ta them Europoli, nuk e bëra unë, e bëre ti!

Pi ujë! Mos dil këtu me grykë të tharë!

Rama: Pse nuk the që po i ndërtojnë mes Tiranës me paratë e drogës?!

Ti gabimisht drejton sot!

(V.G/Faxweb)