Videoja që Edi Rama postoi me punonjësit e OSHEE-së në shtyllat e ngrira e mes borës në një zonë të thellë të vendit është bërë shkak që të plasin komentet midis Ramës dhe komentuesve në Facebook. Në këtë video të postuar Rama i falënderon punonjësit për devotshmërinë dhe përkushtimin duke i cilësuar shembull frymëzimi për të tjerët, por një komentues i kujton pagën minimale që ata marrin sipas tij. Rama i është kthyer komentuesit duke i treguar se çfarë duhet të bëjë.
Replikat:
Qytetari: Sa e kanë rrogën këta të varfërt?19500 lekë? me 45 vete në shtëpi dhe punon vetëm njeri nga keta? Këto janë situatat ne Shqiperi. Çfarë mund të përmiresoni ju?
Rama: Mos pyet për rrogën e këtyre (që nuk është aq se rrogë aq sa thua t’i nuk ka në shtetin tonë!), po merr shembull nga puna e tyre në shërbim të njerëzve e të vendit! Dhe hiqu kapelen me respekt përpara se të vazhdosh me komentet badjahava…
Qytetari: Kur kërkove votën nuk ishe kaq larg realitetit, sa të mos dish që ka edhe njerëz që marrin me pak se ajo shifra aty. Une u shërbej njerezve sipas modelit tim duke të ftuar edhe ty ta ndjekësh. Unë për ta e heq kapelën aq sa e ndjej se duhet t’u qajmë dhe hallet e jo t’i bëjmë DED duke i nxjerrë në Facebook.
Qytetari: Ky është si Deda në shtyllë hahahaha
Rama: Nuk e kuptoj ku është pjesa për të qeshur, po këta njerëz që punojnë kështu për njerezit e per shtetin, janë nje model për mua e uroj të jenë edhe për ty!
Statusi i Rames:
Pavarësisht temperaturave të rëna në minimume historike, periudha nga festat e fundvitit e deri më sot, regjistron volumin më të ulët të ndërprerjes së dritave në 25 vitet e fundit. Kjo falë investimeve të kryera në një pjesë të vendit si rezultat i reformës në energji dhe punës heroike të punonjësve të OSSHEsë, në gjithë ato zona ku rrjeti i amortizuar i kohës së elektrifikimit, ku ende s’janë shtrirë investimet e reja, siç e tregon edhe ky filmim nga një zonë shumë e thellë malore. (J.V/Shuplaka)
Discussion about this post