Kryeministri Edi Rama sot ka qenë në Fier në familjen e Shahin Bashës. Rama ka drekuar në këtë familje fill pas pas ndarjes së lejeve të legalizimit në këtë qytet. Gjatë vizite Rama ishte i shoqëruar nga ministrja e Zhvillimit Urban, Eglantina Gjermeni dhe kryebashkiaku i Fierit, Armando Subashi.
“ERTV Live– Në familjen e Shahin Bashës në Hoxharë, ku shkatërrimi nga përmbytja i ka lënë vendin normalitetit falë solidaritetit, nga momenti i parë deri në dëmshpërblimin e plotë nga qeveria
Bashkë për Shqipërinë që duam”, shkruante kryeministri Rama para kësaj vizite.
Ajo që është disi jo e zakonshme është që të shohim një ‘Live’ nga një drekë e kryeministrit. Po duke qenë se ‘ERTV’ po konkurron mediat kamera personale e kryeministrit mund të futet edhe në banesat e njerëzve. Përveç kësaj ajo që të bie më shumë në sy ishte mobilimi i shtëpisë, ku mbrapa kurrizit të Ramës është një bufe që i përket kohës së periudhës komuniste. Detaj ky që nuk duhet anashkaluar kur shpesh kryeministri Edi Rama flet për rritje dhe zhvillim ekonomik të vendit. (J.V/Shuplaka)
