Kryeministri Edi Rama gjatë fjalës së tij në Kuvend u përpoq që të jepte sqarimin e tij në lidhje me letrën për KQZ-në që kërkon shtyrjen e afateve për koalicionet.
Ai tha se kjo nuk është detyruese, po është një vullnet i mirë për t’i dhënë edhe një shans të fundit opozitës.
Në të njëjtën kohë ka reaguar gazetarja Mimoza Koçi e cila thotë që tashmë mazhoranca nuk ka as turp që po zhbën çdo normë dhe ligj që është arritur në këto 27 vite demokraci.
‘’As skuqen, as zverdhen hiç fare! Po zhbëjnë çdo normë, cdo ligj, cdo vlere qe ka mundur te ruhet në këtë vend në këto 27 vjet, për interes krejt personal dhe i thurin edhe lavde vetes! Më keq se kaq nuk ka për të parë ky vend!
P.S. Më shumë të drejtë kryeministri po thekson se kjo është një vendimmarrje e përbashkët e koalicionit. Pra, nuk ka më, jemi bashkë, por unë nuk jam si ai!’’, shkruan Koçiu.
‘’Kam dëgjuar shumë idiotësira për letrën që ne i kemi dërguar KQZ-së si koalicion, e përsëris si koalicion, që nuk kërkon kurrsesi të detyrojë KQZ-në të marrë një vendim.
Kjo ka një motiv të vetëm që t’i japë mundësinë PD-së dhe partive të tjera të marrin pjesë në zgjedhje sepse nëse ne vendosnim për koalcionin do të dukej si fronti antifashist kundër një kolaboracionisti të vetëm’’, u shpreh Rama pak minuta më parë. (E.K/SHUPLAKA)
Discussion about this post