Kryeministri Edi Rama në fjalën e tij në Kuvend pas largimit të opozitës nga salla është ndalur tek skandali i audio-përgjimit Xhafaj-Veliu.
Rama tha se audio-përgjimi nuk ka lidhje me vëllain e ministrit. Rama e quajti Veliun “ditzi” që luan rolin e një figuranti njësoj si në filmat italianë.
“Historia është kthyer nëse është me barrë apo duket çik si me barrë, apo ka brenda jastëk. Audio-përgjimi është fare fare pa lidhje me personin. Janë vetëm aktorë, kam shumë shpresë që do dalin nga hetimi aktorët, regjizorët dhe producentët. Ai ditziu i rrugëve të Vlorës është si figuranti i filmave italianë. Çfarë t’i thuash thotë. Historia është shumë më serioze, por që ia lemë prokurorisë. Të merret përgjigjia në laborator.”-është shprehur Rama në Kuvend.
(F.G/Faxweb.al)
Discussion about this post