Kryeministri i Shqipërisë Edi Rama ka nisur një komunikim live për ERTV nga SHBA në lidhje me çështjet që ka trajtuar gjatë vizitës së tij atje në disa takime që ka zhvilluar.
Siç është raportuar edhe më herët, Rama ka pasur edhe një takim sipas tij me liderin e SHBA, Donald Trump me të cilin tha se ka qenë një bisedë e shkurtër pasi formati e parashikonte të tillë, ndërsa ka theksuar se presidenti i kishte thënë se “Shqipëria poi a del mirë.
“Patëm një bisedë të shkurtër se i tillë ishte formati dhe natyrisht inkurajuese sepse të dëgjoj “Shqipëria po ia del mirë” është kënaqësi”, tha Rama.
Ndërkohë Rama është takuar edhe me homologun grek, Mitsotakis me të cilin tha se ishte një prezantim miqësor dhe nga ku ka kuptuar vullnetin e palëve për të zgjidhur çështjet e vjetra mes dy vendeve.
“Ishte takimi i parë, një prezantim miqësor. Është e qartë se ka një vullnet pozitiv nga të dyja palët për të çuar përpara një proces të zgjidhjes së disa çështjeve të vjetra dhe të mbartura dhe ka një dëshirë të përbashkët”, tha kryeministri.
(F.GJ/FAXWEB.AL)
