Gjatë fjalës së tij nga foltorja e Kuvendit, kryeminsitri Edi Rama, ka folur për herë të parë për bandat në Elbasan dhe për operacionet e ditëve të fundit.
Rama ka thënë se “Jo vetëm atyre të fortëve nuk do tu ndahemi, le të jenë kush të jenë”. Po ashtu ai tha se qeveria dhe ministri i Brendshëm nuk janë analistë politik dhe nuk kanë detyrë të komentojnë çdo gjë që flitet.
Ndërkohë që shton se ende nuk mund të jepen datje në lidhje me këtë pasi është në një proces hetimi.
“Qeveria, ministri i brendshëm nuk janë analistë politikë, as në detyrën e opozitarit. Janë në një detyrë tjetër. Ne nuk jemi në një detyrë për të bërë komente për çdo gjë që ju doni të flisni.
Beteja me krimin ka hyrë në një fazë të re. Policia në këto katër vite u kthye nga institucioni më skandaloz në një institucion nga më të besuarin për shqiptarët.
Kemi nisur fazën e re. Jo vetëm atyre të fortëve nuk do tu ndahemi, le të jenë kush të jenë, por të gjithëve atyre që i mbrojnë ata. Ne do na kenë këmba këmbës deri në vrimën e fundit. Nuk mund të japim detaje sepse procesi është në hetim”, tha Rama. (S.SH/Shuplaka)
Discussion about this post