Kryeministri i Shqipërisë, Edi Rama, ka dalë mbrëmjen e sotme në një konferencë të përbashkët për shtyp me homologun kroat Andrej Plenkoviç. Teksa falënderoi kryeministrin kroat për mikpritjen, u shpreh se bashkëpunimi mes shqiptarëve dhe kroatëve ka rrënjë të thella në histori.
Rama njoftoi gjithashtu në një konferencë të përbashkët me homologun e tij, Andrej Plenkoviç se Shqipëria do të bashkëpunojë në fushën e sigurisë, sidomos ndaj emigracionit të paligjshëm.
Kryeministri shqiptar u ndal edhe tek kontributi që ka i ka dhënë Kroacia faktorit shqiptar në Ballkan, duke theksuar njohjen pavarësisë e Kosovës si dhe ndihmën dhënë për Shqipërinë për anëtarësimin në NATO.
“Faleminderit për mikpritjen e veçantë. Shqipëria ka patur tek Kroacia një mbështetje të përhershme dhe të pakursyer. Nënshkrimi i deklaratës përbën një moment tjetër, që për Shqipërinë dhe shqiptarët ka qenë strategjike që me krijimin e Kroacisë së re, por më pas në njohjen e Pavarësisë së Kosovës dhe hyrjes së Shqipërisë në NATO dhe më tej.
Nga ana tjetër është gjithmonë për tu shënuar se lidhjet tona janë më të hershme. Një shqiptare sot përfaqëson komunitetin shqiptar në Parlamentin e Kroacisë. Sot ne po ashtu vumë theksin te rritja e shkëmbimeve tregtare, vitin e ardhshëm do të organizojmë një forum mes bizneseve me qëllim rritjen e shkëmbimeve tregtare.
Po ashtu do të zgjerojmë bashkëpunimin në fushën e sigurisë. Ne do të bashkëveprojmë më shumë ndaj emigracionit të paligjshëm. I propozova së fundmi kryeministrit, të organizojmë një format bashkëpunimi trelaterali me Malin e Zi, Kosovën dhe Maqedoninë. Në kampionatin botëror në Rusi, shqiptarët ishin tifozë me Kroacinë dhe jo me Francën.”, tha Rama.
(B.B/ Faxweb.al)
Discussion about this post