Vdekja e 23-vjeçarit Florenc Beqiraj, përfshiu të madh e të vogël në vendin tonë. Ngjarja ishte e rëndë, dyshimet ishin të forta, familjarët të pafuqishëm, ndërsa shteti gojëkyçur deri në vdekjen e tij.
Ajo që të bie në sy më së shumti në këto ditët e fundit, është se kryeministri i vendit që flet për shumëçka nuk tha asnjë fjalë për të riun.
Lidhja me Francën për Edi Ramën është aq e fortë, saqë nuk dënjoi që tiu përgjigjej mijëra qytetarëve qëë e bombarduan me mesazhe në rrjetet sociale. Ndërkohë që edhe reagimi i Ambasadës Franceze dhe Ministrisë së dejtuar nga Bushati erdhi vetëm pas heqjes së tubave të Florencit edhe pse mediat dhe rrjetet sociale vluan nga videot dhe apelet në drejtim të shtetit.
Kreu i PD-së Lulzim Basha në një reagim të shkurtër pas vdekjes së Florencit Ramën e quajti shkaktar të kësaj fatkeqësie.
“Shkaktari dhe përgjegjësi kryesor i kesaj gjendje heshti edhe sot per vdekjen e Florencit 23 vjecar, sic hesht cdo dite per largimin masiv te shqiptareve” , shkroi ndër të tjera Basha në reagimin e tij të parë.
Ndërkohë, presidenti Ilir Meta ngushëlloi familjen përmes këshilltarëve.
Në takim me nënën e Florenc Beqirajt u dha premtimi se Meta po bën përpjekjet për ta sjellë trupin e Florenc Beqiraj në Shqipëri.
Të njëjtën nismë për sjelljen e trupit të Florencit në Shqipëri e ka ndërmarrë edhe Ministria e Jashtme, me anë të ambasadës tonë në Francë.
“Ambasada po kujdeset për kryerjen e të gjitha procedurave për kthimin e trupit të të ndjerit në Shqipëri” thuhet në një njoftim të ministrisë për mediat.
Pas kësaj kakofonie të krijuar mbi trupin e Florenc Beqirajt, Ministria për Evropën dhe Punët e Jashtme e pa të udhës të shpërndajë edhe një thirrje për aktorët politikë, që “të dëshmojnë urtësi e të mos bien në kurthin e instrumentalizimit politik të kësaj fatkeqësie”
(E.K/FAXWEB)
Discussion about this post