Kryeministri Rama nga Llogaraja ka nisur mëngjesin me një takim me gazetarët. Duke folur në lidhje me lënien jashtë të Saimir Tahirit nga qeveria Rama tha se ai duhet në Parti.
“Qeveria nuk është si skuadra kombëtare e futbollit, që është seleksioni i atyre që do rrinë në fushë dhe të tjerët do rrinë në stol.
Ne kemi nevojë shumë të madhe, ka shumë nevojë qeveria për një grup jo thjesht të fortë në Kuvend, por kemi shumë nevojë edhe në parti duhet të kemi disa kapacitete shumë te mira që të vazhdojnë punën. Unë besoj shumë që e gjitha është si puna e një trupi të tërë”- tha ai.
Duke folur për shkrirjen e disa ministrive Rama tha se kjo ishte e nevojshme për të zvogëluar shpenzimet e kota burokrative, ndërsa theksoi se tashmë do të kenë një rol më të fuqishëm zëvendësministrat.
E në këtë mori shembull faktin e bashkimit të Ministrisë së Integrimit me atë të Jashtme, ku tha se në rolin e ministrit të Integrimit do të jetë zëvendësministri i Jashëm.
(E.K/SHUPLAKA)
Discussion about this post