Edi Rama ka gjetur “fajtorin” që sipas tij e ka penguar të bëjë shtetin që ai do që të bëjë. Ai theksoi se do t’i japë fund një aspekti që është problem për të gjithë, siç është “bosnjëzimi i shtetit”.
I ftuar dje në “Opinion”, kryeministri iu përgjigj LSI-së mbi deklaratët mbi “timonin”, por ditën e sotme ai ka intesifikuar sulmet ndaj saj duke u ndalur tek administrata që sipas tij çalon.
Duke u ndalur tek Administrata Publike, ai e krahasoi atë me disa republika mbi çatitë e të cilave janë flamujt e partive. Më tej, Rama tha “shteti nuk mund të shndërrohet në një strehë vorfnore që rrogat e administratës të përdoren për t’u dhënë bukë për aktivitete politike”.
“Kam dëgjuar lloj lloj batutash lidhur me këtë simbolikë të timonit. Po iu them që është shumë e thjeshtë dhe e kuptueshme. Nëse je në timon ke të gjitha përgjegjësitë, nëse je detyruar të mbash të tjerë në prehër, përgjegjësia e madhe mbetet por vështirësa për të ecur shpejt, drejt, pa kthesa, pa ndalesa, pa tronditje, është e madhe.
Dua t’u jap fund edhe një aspekti, problem i madh për ju e për të gjtihë, “bosnjëzimi i shtetit”. Administrata jonë e coptuar sikur janë disa republika brenda shtetit dhe mbi çatitë e këtyre republikave janë flamujt e partive. Kështu ne e kemi shumë të vështirë për ta çuar përpara projektin për të bërë shtet. Kemi bërë shumë, por shtetin që duam nuk e kemi bërë akoma. Kemi dhënë shumë prova për bërjen e shtetit. Nuk mund të bëhet shteti një strehë vorfnrorë që rrogat e administratës të përdoren për t’u dhënë bukë për aktivitetin politik.”, u shpreh Rama ndër të tjera gjatë takimit të sotëm në Gjirokastër.
(XH.A/SHUPLAKA)
Discussion about this post