Kryeministri Rama duke folur para qytetarëve të Tinanës në kuadër të asaj që quhet ‘llogaridhënie para qytetarëve’ ka cekur edhe çështjen e rritjeve të taksave. Rama tha se taksat janë rritur për të pasurit dhe jo për të varfërit.
Për heqjen e familjeve nga skema e ndihmës ekonomike Rama tha se kjo është bërë që ata të punojnë.
“Ka qenë një ndër vendimet më të vështira dhe më të drejta që kemi marrë, për t’i bërë njerëzit që t’i kthejnë sytë nga puna.
Nëse dikush është i aftë fizikisht dhe shteti i ofron punë dhe ai e refuzon, shoqëria nuk ka detyrim ta mbajë me ndihmë ekonomike. Deri dje merrnin ndihmë edhe njerëz që kishin nga tre vetura, ne shohim që po zgjerohet radha e njerëzve që kanë kthyer sytë nga puna. Unë e di shumë mirë që rrogat e fashës së poshtme janë të ulëta, por midis një rroge të ulët që është shumëfish me e madhe se ndihma ekonomike, patjetër që zgjedhja jonë është vetëm një: Puna do të na bëjë që t’i japim më shumë të ardhura familjes, u shpreh ai.
Rama tha duke qeshur se i vetmi që i ka rritur taksat është Veliaj, por ai gdhihet duke mbjellë pemë dhe nuk flë pa mbjellë pemë”, duke shtuar se rritja e taksat nga ana e kryebashkiakut janë të justifikuara për punën që po bën.
“Lali Eri i ka rritur taksat, jo ne, por ai gdhihet duke mbjellë pemë dhe nuk shkon të flejë pa mbjellë pemë, ia vlen tja japësh lekët”, tha ai. (B.H/Faxweb)
Discussion about this post